مخلوقات میں خلقتِ انسانی  کو اللہ  تبارک و تعالی نے خْلق کی وجہ سے امتیاز اور فضیلت سے نوازا ہے ۔ خْلق  چند ایک افعال  اور  مظاہروں  کا نام نہیں ، جزوی ، اظہارات تک بھی محدود  نہیں  بلکہ ظاہرو با طن کی یگا نگت  کے ساتھ  ایک  جمال  آ فرین رویہ کا نام ہے ۔اس رویہ کی  برکت  اعتقادات و نظریات ، خیالات  وا حسانات ، نیت وارا دہ  ، معاملات واشغال پر محیط ہے ۔ صدق و امانت  کا یہ  صنو فشاں  رویہ  صادق وامین اور صاحبِ خلق   ِعظیم کے دم قدم سے  استقامت پذیر ہے ، حکیم  الا  مۃ  نےتا ریخی اور اثری حقائق کی روشنی میں اس امر کی  نشان دہی    کی ہے کہ  کوئی بھی قوم  یا خطہ بے شک جتنا بھی تقدس  مآب پسِ  منظر  کیوں نہ رکھے ، خْلق ِمحمدی  سے بے نیاز ہونے کی صورت میں اپنی  اہمیت  وافادیت اور وقار  وتشخص کھو دیتا ہے ۔

نہیں وجود حدود  و ثغور سے اس کا

محمدِ عربی سے  ہے عالمِ عربی

نسبتِ  حبیبﷺ سے بندہ بھی اللہ تعالیٰ   کو محبوب  ہوگاا ور قوم  بھی  اللہ کے منظورِ نظرہوگی ۔ اس قرآنی حکمت کو  علامہ اقبال ؒنے اپنے فارسی و اردو کلام  میں   نہایت  شکوہ و سطوت  اور ولولہ و حرارتِ ایمان  کے ساتھ کھولا  ہے ۔

 کی محمد  سے وفا  تو نے تو ہم تیرے ہیں

یہ جہاں چیز ہے کیالوح و قلم تیرے ہیں

حضرت نے نسبت کی اس وقعت و وا قعیت کو انتہائی  جا معیت کے ساتھ ذہن نشین  کرایا ہے ، صدر اول کے  مسلمان ہوں ، تا بعین  و تبع تا بعین ہوں ، خیر  القرون ہوں ، ملوک و سلا طین  ہوں ، عرب  و عجم جو بھی ہوں ، اگر

خْلق ِمحمد  سے  منحرف اور نسبتِ محمدی سے محروم ہو گئے تو کچھ  بھی حا صل نہیں بجز حرماں نصیبی اور خسران کے ۔ حکیم الامۃ نے رسول اللہ  ﷺ کے سگے  چچا کی مثال دی ہے ۔

یہ نکتہ پہلے سِکھایا گیا کس اُمّت کو؟
وصال مُصطفوی، افتراق بُولہَبی!

اَفَحُکۡمَ الۡجَاہِلِیَّۃِ یَبۡغُوۡنَ ؕ وَ مَنۡ اَحۡسَنُ مِنَ اللّٰہِ حُکۡمًا لِّقَوۡمٍ یُّوۡقِنُوۡنَ'' المائدہ 50)

 ترجمہ ۔ کیا یہ جاہلانہ دستور کے خوگر ہیں جبکہ اللہ کے دستور سے بڑھ کر احسن دستورِحیات  اہلِ یقین کے لئے اور کون سا ہوسکتا ہے۔

یہ اور اس کے علاوہ تین آیات میں اس طرح کی تراکیب کا احتمال و استحضار ہے:-

1۔ حکم الجاہلیۃ    2۔ ظن الجاہلیۃ     3۔ تبرج الجاہلیۃ   4۔ حمیّۃ الجاہلیّۃ

قرآنِ مجید اپنے اجزاء کے بارے میں خود بتاتا ہے، بس قرآنِ مجید کی اجمالی اور جمالی تفسیر یہی ہے۔ اس کے بعد تعینِ معانی کا حق صرف  مہبطِ وحیﷺکو ہے اور آپﷺ کے تعلیم و اذن سے آپﷺ کے اہلِ بیتؑ، اقاربؑ، ازواجِ مطہّراتؑ(امہات المؤمنین) اور صحابہءِاکرام رضوان اللہ علیہم اجمعین کو ہے۔ تابعین ، تبع تابعین، سلفِ صالحین اور بعد کے اہل الرّائے کو تدبّر فی القرآن کی ترغیب دی گئی ہےجو آخر زمان (End of time) تک میسّر رہے گی لیکن اس کے لئے تمسّک بالسنّۃ والعترت شرطِ لازم ہے، مجرّد زبان دانی اور قابلیّت ثانوی استحقاق ہے۔

ہماری تفسیری تاریخ میں چند ایک تسامحات ایسے چلے آرہے ہیں جو مروّجہ اظہارات پر اثر انداز ہوتے ہیں۔ مثلًا:

جہالت اور جاہلیّت کا فرق جاننا ضروری ہے۔ جہالت' نہ جاننے 'کو  کہتے ہیں، اس میں نہ جاننے والا کبھی معذور، کبھی مجبور اور کبھی قصور وار ہوتا ہے۔ جاہلیّت حق کے شایع ہونے کے بعد مصر بر ناحق رہنے کا نام ہے۔ جہالت کا متضاد عِلم اور جاہلیّت کا متضاد اسلام و تسلیم ہے۔ نفاق کا متضاد ایمان، رخصت کا متضاد عزیمت اور مداہنت کا متضاد استقامت ہے۔

امتیازی اسلوبِ تزکیہ و تعلیم

عنوان کا استدراک :  '' یزکیہم ویعلمہم الکتاب والحکمۃ''

توجیحات : دارالارقم، اصحابِ صفّہ، کاتبینِ وحی، الغارمین فی سبیل اللہ، دارالفاطمہ، منبرِسلونی، دارالزّبرۃ، مکتبِ جنیدیہ، دارالارشاد، (دارالارشاد غوثِ پاکؒ کی درس گاہ تھی) حلقات المسجد النبویّہ، نظام الطّوسیہ(امام غزالیؒ کی درس گاہ)، مجلس المصائب والبصائر و العبائر(امام سجادؒ کی درس گاہ)، دارالنّحبۃ الفکر( شیخِ اکبر ؒکا تحقیقی لجنہ)، ترتیب الافراد و تصفیۃ القلوب(نظام الدین اولیاءؒ کا نظامِ تعلیم)، اسفارالاخوان(اخوان الصفا کا وزیٹنگ سکول) ۔

تصریحات : سیّدنا علیؑ، سیّدنا جعفر، سیّدنا زیدبن ثابت، سیدہ طیّبہ فاطمۃ الزہرا علیہا السلام، ام المؤمنین عائشۃ رضوان اللہ علیہا، سیّدنا ابوذر غفاری رضوان اللہ تعالیٰ علیہم اجمعین، حضرت جنید بغدادیؒ، حضرت شیخ عبدالقادر جیلانیؒ، امام سجاد زین العابدینؒ، امام غزالیؒ، امام ابنِ غزالیؒ، خواجہ نظام الدّین اولیاءؒ، حضرت محمّد بن علی مشہدیؒ، رحمہم اللہ تعالیٰ۔

نوٹ : تاریخِ تزکیہ و تعلیم و تربیّت میں اور کئ ایسی مثالیں مظہر ہیں، چند ایک ذکر کردی ہیں تاکہ واضح ہو کہ یہ نظام طبع زاد نہیں بلکہ متداول ہے۔

رسول اللہ ﷺ نے مکّہ شریف کے معاشرہ سے مفلوک الحال اور مجبورالمال  افرادِ ملّت  کو اپنی خاص توجّہ کا مرکز بنایا، مدینہ طیّبہ میں آپﷺ کی خصوصی نظرِ التفات کا محور یہی اور ایسے ہی لوگ رہے۔ لطفِ ربّانی نے آنحضور ﷺ کے اس جاں گداز  رویّہ کو صرف نظرِ استحسان سے ہی نہیں دیکھا بلکہ ترغیبِ مزید دی:   وَاصْبِرْ نَفْسَكَ مَعَ الَّذِينَ '' اور اے حبیب ﷺ آپ اپنے معارف و انوارِ نفس ِ قدسی سے ان لوگوں کو متمتّع فرمائیں۔ ''وَلَا تَعْدُ عَيْنَاكَ عَنْهُمْ ''(الکہف 28)یا رسول اللہ ! آپ ان لوگوں کو اپنی لطفِ نگاہ کے فیض سے محروم نہ کریں۔

ہم تاریخ کی پیشانی پر انہی ہستیوں کو منصبِ تعلیم و تربیت  اور منصّہءِفلاح  واصلاح  و رفاہ کے حوالے سے متمکن و مؤثر و مفید دیکھتے ہیں جن کو رسول اللہ ﷺ نے معاشرے سے صرف انسانی بنیادوں پر انتخاب فرمایا اور امتیازی و خصوصی تزکیاتی و تربیّتی و تعلیمی اسلوب سے گزار کر سیّادت، نظامت، ادارت اور قیادت کے مناصبِ جلیلہ پر فائز کردیا۔

ان حضرات کے پاس ابتداء میں کوئی صلّہ(Return) نہیں تھا  لیکن امتیازی تعلیم و تربیّت نے ان کی ذواتِ مبارکہ کو انسانی معاشرے کے لئے دنیوی و اخروی  صلہ بنادیا اور پھر یہ طریقہءِتعلیم کبھی انقطاع و تعطّل کا شکار نہیں ہوا اور نہ کسی طرح حکومتی سرپرستی سے مطلقًا بے نیاز ، اپنی مدد آپ کے تحت معجِّز و مقوَّم یہ نظام نو آبادیاتی تسلط سے پہلے تک چلتا رہا، صرف یہ نہیں کہ چلتا رہا بلکہ بہترین اثرات کا متحمّل رہا۔ چند ایک کامیاب و کامران سلاسل ہائے تزکیہ و تعلیم کا حوالہ میں نے توجیحات کے ذیلی عنوان کے تحت عرض کردیا ہے وگرنہ عبر و عنبر زلفِ مشکیں دراز ہے۔

اس کا قاعدہ ،تقویم اور  تنظیم (Foundation Sustaining, accomplishment)کے لئے تصریحات میں متذکرہ لجنات و درّاسات لائقِ تقلید اور قابلِ اتّباع ہیں۔ میں صرف ترغیبًا طوس کی مثال سے اپنی ادّعا کو مترشّح کرنا چاہونگا۔

'' حصولِ تعلیم کے بعد اس یتیم شعار معلّم نے کمال کردیا تھا، ان کی والدہءِکریمہ نے اپنے شوہر کے انتقال کے بعد عینِ جوانی میں اپنی حیاتِ مستعار کی تمام خوشیوں اور آسائشوں کو تج دیا، اپنی ساری توجّہ اپنے دو بچوں  محمّد بن محمّدغزالیؒ اور احمد بن محمد غزالیؒ   کی تعلیم پر مرتکز کردی۔ جب شوہر کا ترکہ اور اپنے اثاثے (زیورات وغیرہ) ختم ہوگئے تو اپنے مرحوم شوہر کے ایک وفادار حضرت رازکانیؒ  (جو متموّل تاجر اور عالم با عمل تھے ) سے اپنے بچوں کی تعلیمی کفالت کی درخواست کی ، موصوف تعلیمی سرپرستی کے لئے ہمہ وقت آمادہ رہتے تھے، اْن کی مالی ولاء سے امامِ غزالیؒ نے حسبِ ضرورت نہایت قناعت  اور کفایت کے ساتھ استفادہ کیا، تب بغداد، نظامیہ، عبرون، نیشاپور، سلاجقہ کو اپنے علمی برکات  سے نوازتے ہوئے  یہ امتیازی معلّم ، متکلّم ،محدّث، عارف، ناظم، قیّم، فقیہ اور مربِّیءِعلم و تعلّم نے اپنے وطنِ مالوف طوس میں امتیازی  تزکیہ و تعلیم کا ایک عظیم الشّان مرکز بنایا جو سلسلۃ النظامیّہ کی بھی آنکھیں خیرہ کررہا تھا۔

تعمیر تین بڑے کیمپس پر مشتمل تھی:

• مسجد : جس میں تمام مکاتِبِ فکر کے مسلمانوں کو نماز ادا کرنے کی اجازت تھی، فجر کے بعد درسِ قرآنِ مجید اور جمعۃ المبارک کا وعظ حضرت خود فرتے تھے۔
• درس گاہ : ایک جامعہ (University) جس میں فلسفہ، تاریخ، تفسیر، حدیث،   منطق، کلام، نحو، تعدیل جغرافیہ، ہندسہ، کیمیا، طبعیات ، ریاضی ، نجوم، صنعت، حرفت اور کسب سب علوم و فنون زیرِتدریس تھے۔
• خانقاہ : جس میں تصوّف بطورِ فلسفہءِحیات و نصاب پڑھایا جاتا تھااور روحانی تربیت و تزکیہ ( انابت، عقیدت، خلق، خدمت، ارادت، مجاہدہ، مراقبہ، مسامرہ، مکالمہ، مشاہدہ، مفاردہ، مجاردہ، فنا، بقا) کا بہترین نظام کار فرما تھا یعنی قال و حال و تمکین یکجا تھے۔
• نظامت :

دارالتوہیب : اس دفتر میں عطیات، موہبات، تحائف و تصدق( Contributions, Donation, Charities) جمع ہوتے تھے۔

دارالمشاورت : اس میں اعلیٰ سطحی مشورے  ہوتے تھے۔

دارالترغیب : اس میں والدین اور مخیّر حضرات کو تعلیم پروری کی ترغیب دی جاتی تھی۔

دارالاحتشام : اس میں اعلیٰ کارکردگی دکھانے والے بچوں، والدین، اساتذہ، اور سماجی کارکنوں کو اعزازات دئیے جاتے تھے۔

دارالتّحقیق : یہ تحقیقات کا مرکز( Research center) تھا جس میں حضرت استاذ الغزالیؒ خود رونق افروز ہوتے تھے، یہاں سے ماہرین اطرافِ عالم کی طرف کوچ کرتے تھے تاکہ اور ادارے بنائیں۔

علّامہ زیدگل خٹک صاحب

مشیر روح فورم و آبروئے ملّت

Every single thing that exists in this Universe is Allah's creation. Man and his actions are all Maklook. Man is distinguished amongst other creations. All other creation is for Mankind's khidmaat. Man is Makhdoom.

Allah blessed every creation with Nutkh, the ability to speak and communicate. Allah tells us in the Qur'an that everything does namaz and zikr but Man cannot understand them.

Sulayman alayhis salaam spoke with mountains, insects, birds...
Stones said salaam to Beloved Rasoolallah (s) and trees prostrated before him.

So we see that everything has Nutkh, expression and speech which Allah has blessed them with. But the most beautiful and eloquent speech, Allah gave to man. The speaker and the speech is His makhlook.

Ibn e Arabi (ra) says Haq is only haq when you speak the Truth. What is better in Allah's Eyes is surely better for Mankind.

Man has been granted exclusive (taufeeqi) decision making power. No other creation has this power. They have (takveeni) limitations. Man can speak the truth, tell lies, say half truths, speak deceptively, speak for other people's benefit, speak to guide others, speak to confuse others, speak to bewilder others, speak to worry others etc etc.

This decision power will end with Man's worldly life. Everyone will be presented before Rabb taala. Those who chose Haq will be rewarded and those that chose Ghayr e Haq will face His wrath.

Ibn e Arabi (ra) says we should realise our lofty state (martaba) and live in accordance with Allah's set boundaries. For example He has ordered us to earn halal money. If we do that we will be successful. We should relinquish all our ill desires. We must leave our wishes and adopt Allah's wishes.

Ambiya alayhis salaam and foremost Beloved Rasoolallah (s) have delivered to us the boundaries that Rabb taala has set for us. They have delivered to us Allah's amanat, wahi, ayats, mansha, shariat and tariqat. Ambiya's haqayaat, talkinaat, naseehatain, irshaadaat and farmudaat help us determine our boundaries. We know our limits on how to eat, dress, use authority, worship, behave etc etc.

If Man decides to adopt Haq in his life he has to follow Beloved Rasoolallah (s). By doing this Man will be on the straight path. If not, Man will get lost in the chaos of this World.

May Allah keep us steadfast on the right path.
Ameen.

By Prof Zaid Gul Khattak