ہر کہ پیمان با ھو الموجود  بست

             گردنش از بند ہر معبود رست

ہر وہ شخص جو ھوالموجود  سے پیمان باند چکا ہو  ۔ بڑا ضروری جملہ ہے،  ھوالموجود  سے پیماں ۔ ایک تو ھوالموجود رب جلیل نے خود پیمان باندھا ہے ۔ عالم میثاق میں ہم سے عہد لئے ہیں۔ عالمِ مثال میں اپنا دیدار کرایا ہے  ۔ پیمان باندھے ہیں۔ ایک یہ تو اللہ کی طرف سے ہے  ۔ ایک بندے کی طرف سے ہے  کہ وہ بندا  جو اللہ کو موجود سمجھے  یعنی جو زندگی  کی حقیقت پر نظر رکھے۔ زندگی  کی حقیقت،  کہ دنیا میں کتنا کچھ ہے یہ فنا آشنہ ہے اور دنیا میں کتنا کچھ ہے یہ اعتبار ہے ، یہ امکان ہے  ، یہ مجاز ہے یہ کبھی نہیں تھا  ۔ یہ اللہ تبارک و تعالیٰ کے ارادے کا ظہور ہے ۔ یہ کن  کے بعد فیکون کا عمل ہے  جو معنوی تراتیب  میں مترتب  ہوتا رہا  اور پھر اس نے ما دہ میں بھی ظہور کیا  ۔ ان تمام اعترابات، امکانات و مجازات  میں محوری  جو اعتبار ہے  وہ اعتبارِ انسانی ہے  ، حضرتِ انسان جو اللہ کا خلیفہ ہے  جس کو رب جلیل نے توفیقی اختیار سے نوازہ  ہے۔ اس کے وجود میں ہدایت  ۔ اس کے خارج میں ہدایت  ۔پھر اتمام ِ  حجت  ، رسالت و نبوت کی صورت میں  نزولِ صحائف و کتب کی صورت میں اس پر اتماِ م ِ حجت ۔ یہ  انسان ان تما م اعتبارات و  مجازات و  امکانات  یعنی مخلوقات  میں محور  ی حیثیت رکھتا ہے  لیکن  یہ تمام کا تمام  اعتبار ہے، کبھی یہ نہیں تھا  ۔ تو الموجود صرف وہ ہے، ھوالموجود  ، وہ موجود ہے  ۔ اب وہ ہستی جو  ھوالموجود  سے پیمان باندھ چکا ہے اور  باقی چیزوں کو  اعتبار و امکان سمجھتا ہے وہ زندگی کا حقیقی شعور  رکھتا ہے لہذا وہ کبھی شرک کا شکار نہیں ہوتا۔ کبھی اس پر خوف مثلت نہیں ہوتا۔ کبھی اُس پر غیر مثلت نہیں ہوتا چونکہ وہ غیر کی حقیقت کو سمجھتا ہے۔ گردنش از بنِد ہر معبود رست۔ وہ کسی اور کو معبود کبھی نہیں سمجھ سکتا۔ اور کسی اور کے آگے اُس کی گردن  نہیں جہک سکتی  چونکہ وہ جانتا ہے  کہ لا اله الا الله کا مطلب ہے  لا موجود ُ الا الله۔ بہت ہی جاندار آغاز کیا ہے  حضرتِ اقبال نے  اپنی اس نظم کا  اور  اسلامی اعتقاد کا گہرا شعور دیا ہے۔

مومن از عشق است و عشق از مومن است

عشق رانا ممکن ما مکن است

چون خلافت رشتہ از قرآن گسیخت

حریت از زہر اندر کام ریخت

جب خلافت نے قرآن سے اپنا رشتہ توڑ لیا تو اس نے آزادی کے  حلق میں زہر انڈیل دیا۔

پھر حضرتِ اقبال  تاریخ کی طرف جاتے ہیں  ۔ امتدادِ زمانہ کی طرف جاتے ہیں  مرور ِ زمانہ کی طرف جاتے ہیں یہ عظیم الشان  اظہار پسند  ایک شعر میں تاریخ کے حال و ماضی و استقبال  کو سمو کے  رکھ دیتا ہے۔ کہ وہ جو حق تھا  بظاہر قلت کے ساتھ رونما ہوا تھا  و قلیل من عبادی الشکور یہی تو حق کی پہچان ہے حضرت ِ طالوت ؑ کی قیادت میں  حزب الشیطان کے ایک سرکش  کے مقابلے میں جب حق آراستہ ہوا تو قرآن میں کیا آتا ہے  ۔

قرآن ِ عظیم میں رب جلیل کا ارشاد ہے  کہ اُن میں سے کچھ نے فرمایا

فِئَةٍ قَلِيْلَـةٍ غَلَبَتْ فِئَةً كَثِيْـرَةً بِاِذْنِ اللّـٰهِ

آدابِ حیات

انسانی زندگی صرف ضرورت پوری کرنے سے تکمیل اور حقیقی خوشی سے ہمکنار نہیں ہوتی۔جب تک اخلاقی اور روحانی لذت میسر نہ ہو، زندگی کی رونق محال ہے۔اسوہءِ حسنہ میں پاکیزہ زندگی کے لیے پانچ اساسیات کو ضروری گردانا گیا ہے:

علم

ایمان

ایمانِ صالح

احسان

فلاح

اسوہءِ حسنہ قرآنی نظریہء حیات سے جو سیرتِ حبیبﷺ میں پورے جمال کے ساتھ روبہءِ عمل ہے اور تمام انسانوں پر اس کی پیروی لازم ہے۔ارشادِ باری تعالیٰ ہے:-

مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ(النحل-97)

ترجمہ:- جو کوئی حالتِ ایماں  میں نیک عمل کرے گا ، خواہ وہ مرد ہو یا خاتون۔پس ہم لازماََ اس کو پاکیزہ اور باوقار زندگی عطا کریں گے۔

آدابِ حیات میں علم کو اساسی درجہ حاصل ہے اس کے بغیر آدابِ حیات کا تعین نہیں ہو سکتا۔ایمان جس کے بڑے بڑے اجزا سات ہیں اور تفصیلات اس کے علاوہ ہیں۔زندگی کو توثیق فراہم کرتا ہے۔عملِ صالح جس کے ستر مراتب ہیں، حیات کے تقویم کا اعلیٰ بندوبست ہے۔احسان عمومی مُکَلّفات سے برھ کر ایک ممتاز روحانی رویہ اور تجربہ ہے، حیات کو عشق اور خودی کی لازوال طاقت بخشتا ہے۔فلاح جو حیاتِ اجتماعی کی تہذیب ہے، زندگی کو استحکام نصیب کرتی ہے۔اہلِ ادب نے علم الاخلاق کے بتیس حَسَنات ذکر فرمائے ہیں جن کو اختیار  کرنے سے زندگی دنیا و آخرت دونوں جہانوں میں سعادت سے ہمکنار ہوتی ہے۔یہ نصاب اسوہء بائے انبیاءِ اکرام ؑ سے تفرداََ  ماخوز ہے اور صالحات سے تبرکا ََ معروق ہے:-

انابت و رجوع الی اللہ        سیدنا آدمؑ

خشوع الی اللہ                   سیدنا نوح ؑ

بصیرت من اللہ               سیدنا ادریسؑ

کسبِ حلال                     سیدنا شیثؑ

اجتماعیت                        سیدنا ابراہیمؑ

عبادت                          سیدنا اسماعیلؑ

تربیت                           سیدنا اسحقٰؑ

محبت                             سیدنا یعقوبؑ

           نظامت                         سیدنا یوسفؑ

           صنعت              سیدنا داؤدؑ

           سیاست             سیدنا سلیمانؑ

          حرّیّت               سیدنا موسیٰؑ

           مناجات            سیدنا ذکریاؑ

           جہاد                  سیدنا یعساہؑ

          ترغیب              سیدنا یحیٰؑ

           صبر                  سیدنا ایوبؑ                                

            حکمت              سیدنا لقمانؑ

           ہدایت              سیدنا یونسؑ

           اشاعت  و ابلاغ   سیدنا ہارونؑ

           کرامت            سیدنا عزیرؑ

           ہجرت              سیدنا لوطؑ

           سیاحت             سیدنا خضرؑ

           فتوحات             سیدنا ذوالقرنینؑ

           نصرت              سیدنا الیاسؑ

           خبر گیری            سیدنا عیسیٰؑ

           کفالت              سیدتنا امِّ موسیٰؑ

           عفت                سیدتنا مریمؑ

           اخلاص              سیدتنا آسیہؑ

           معیت               سیدتنا سارہؑ

           سکونت             سیدتنا ہاجرہؑ

           کوثریت             سیدتنا فاطمہؑ

           فقرالی اللہ           محمد رسول اللہ ، ختم المرسلین، سیدنا و مولانا و شفیعنا و قدو تنا، ﷺ تسلیما  کثیرا کثیرا۔

علامہ زیدگل خٹک صاحب