پاکیزگی باطنی طہارت اور ظاہری نفاست کو کہتے ہیں،ظاہر وباطن کی یک جہتی ہی ایمان اور ظاہروباطن میں تفریق نفاق کا شاخسانہ ہے۔ قرآنِ عظیم نے اہلِ بیت کو پاکیزگی کی علامت قرار دے کر ہمارے لئےدر اصل راہنما اصول کااعلان کردیا ہے۔ محبّت کائنات کی وجہءِتخلیق اور خلافتِ آدمؒ کاراز ہے،اللہ جلّ شانہٗ کی معرفت، رسول اللہ ﷺکی اطاعت، اہلِ بیت سے مودّدت،امہات المومنین سے مروّت، صحابہءِکرام رضی اللہ عنہم کی متابعت، اسلاف سے ربط وتعلّق، والدین سے شیفتگی،اساتذہ کا ادب، بزرگوں کا احترام، چھوٹوں پر شفقت، پڑوسی کی خبر گیری۔
سب کچھ محبّت کے لازوال مظاہرے ہیں۔انہی جذبوں سے ملّت استحکام پذیر ہوتی ہے۔
چنانچہ افرادِ ملّت نے انہی جذبوں کو مہمیزکرکے ملّت کی بنیاد استوار کرنی ہے۔