لَوح بھی تُو، قلم بھی تُو، تیرا وجود الکتاب
گُنبدِ آبگینہ رنگ تیرے محیط میں حباب

اس شعر میں مبالغہ ہے اور نہ ہی مغالطہ بلکہ حقیقت  کی منظوم  اور دلکش ترجمانی ہے اس حقیقت سے روشناس اور مانوس ہونے کے لئے اس بیت کے علمی، خبری اور اثری پسِ منظر میں جانا لازمی ہے؛ اور وہ یہ کہ خالِقِ کل ، فاطرِ حقیقی، بدیع السّمٰوات والارض  اور وجودِ مطلق و حسنِ ازل اپنی شانِ یکتائیّت و الوہیّت  و صمدیّت و علویّت میں موجود ہے، تھا اور رہے گا(یاد رہے کہ الفاظ حقیقت سے ابعدالبعید ہیں) اْس ذات ِ بحت، ذاتِ مطلق، ذاتِ واجب کے ساتھ  دوسری شے/ چیز ماسوائے اْس کی صفات ، اسماء ، اختیارات، تصرفات، تجلیات اور انوارات کے قطعًا موجود نہیں تھی، تب اْس  کریم محب و مکون نے کمالِ لطف وعنایت سے ااپنے اکنون ( قدرت، محبّت، تدبیر، تقدیر، ارادہ) کو ظہورِ اعتباری و امکانی عطا فرمایا۔

کلامِ سرّیّت و  شریعت  میں جوہر و الطاف و اوامر و معانی  و امثال و عناصر ( جبروت و ملکوت و مثال و ناسوت) میں صرف اور صرف امکانات و اعتبارات و برکات و ظلّیّات و بروزات و پرتوات ہیں۔ اعیانِ خارجہ  میں تعیّنِ اوّل حقیقتِ محمّدیہ ہے ، باقی تمام تعینات اس تعیّن، اوّل کے اجزاء  و تفاصیل اور تنوّعات  و ینابیعات ہیں۔